Manchester United imepania kuhakikisha
mshambuliaji nyota wa Tottenham, Harry
Kane anatua Old Trafford msimu ujao na
kuvaa uzi mwekundu.
Kocha wa United Louis van Gaal ameainisha
majina kadhaa ya wachezaji anaowataka
baada ya kuirejesha klabu hiyo kwenye Ligi
ya Mabingwa barani Ulaya huku jina la Hary Kane likipewa kipaombele.
Van Gaal anataka kununua mshambuliji wa
kati sambamba na kuimarisha sehemu ya
beki wa kulia, sentahafu na kiungo
mchezeshaji.
Akiwa tayari ameshamnyakua
winga Memphis Depay kutoka PSV, Van
Gaal anaelekeza nguvu zake kwa Kane
ambaye amekuwa mchezaji wa kwanza wa
Tottenham kufunga mabao 30 kwenye
msimu mmoja baada ya mkongwe Gary
Lineker.
Kane ambaye alisaini mkataba mpya wa
miaka mitano na nusu mwezi Februari
anatarajiwa kuigharimu Manchester United
zaidi pauni milioni 45.
0 comments:
Post a Comment