Afungiwa mechi 3 kwa kumpiga mwamuzi.

 

Mshambuliaji wa Zamalek Dominque da Sila amefungiwa na shirikisho la Soka la Afrika Caf kwa kumpiga mwamuzi. Tukio hilo lilitokea katika mechi ya Champions League kati ya Zamalek dhidi ya TP Mazembe tarehe 8 Juni 2014 mjini Lubumbashi. 

 

Caf imesema Da Silva alikatisha uwanja mzima baada ya mchezo kumalizika ili kumpiga mwamuzi. Wachezaji wengine wa Zamalek, Abdelrehim Mahmoud na Hazem Mohamed Emam pia wamefungiwa mechi moja kila mmoja kwa kuhusika na vurugu hizo.

 Da Silva atakosa michezo mitatu ya kimataifa: wa marudio na TP Mazembe, na wa AS Vita na dhidi ya Al Hilal. Pia amepigwa faini ya dola 5,000. Mahmoud atakosa mchezo dhidi ya TP Mazembe, huku Emam atakosa mchezo dhidi ya AS Vita. Wawili hao wamepigwa faini ya dola 3,000.