Filipe Luis rasmi Chelsea

 

Chelsea wamemsajili beki wa kushoto wa Atletico Madrid, Filipe Luis kwa mkataba wa miaka mitatu, na kwa kitita ambacho hakikutajwa. Mchezaji huyo kutoka Brazil atavaa jezi namba 5, imesema Chelsea. 

"Ndoto yangu imekuwa kweli," Luis ameiambia tovuti ya Chelsea. "Nimefurahi sana na nasubiri kuanza na kujituma kadri niwezavyo katika misimu inayokuja."
Luis aliwika mwaka jana akiichezea Atletico na kushinda ligi kuu na kucheza fainali ya Klabu Bingwa Ulaya.
Anaziba nafasi ya Ashley Cole aliyehamia Roma wiki iliyopita.