Diaby apona baada ya majeraha ya muda mrefu.

 

Abou Diaby alifanikiwa kumaliza dakika 45 za kipindi cha pili jana wakati Arsenal wakianza mechi za maandalizi kwa ushindi wa bao 2-0 dhidi ya Boreham Wood.

Mara ya mwisho Diaby kuonekana dimbani ilikua March 2013 siku aliyotonesha goti lake akiwa amedumu kwa dakika 14 tu za mchezo dhidi ya Norwich.

Lakini baada ya mazoezi mazito Diaby mwenye miaka 28 sasa jana kwa mara ya kwanza kwa zaidi ya mwaka akiwa nje aliweza kumaliza kipindi chote cha kwanza bila tatizo. Na alikaribia kufunga bao zuri katika dakika ya 57 wakati alipopiga shuti kali kiufundi hatua 25 kutoka golini kama si kipa James Russell kufanya kazi ya ziada kuupangulia juu ya mwamba.