DIAMOND PLATNUMZ AITEKA AFRICA KATIKA TUZO ZA CHANNEL O.

MSANII Naseeb Abdul ‘Diamond Platumz’
ametwaa tuzo tatu za Channel O usiku wa
jana nchini Afrika Kusini.

Tuzo hizo ni; Most Gifted new comer, Most
Gifted Afropop na Most Gifted East kupitia
wimbo wake wa Number One.

Read More

Unataka kujua alichokisema Wema Sepetu huko instagram baada ya Diamond kichukua tuzo 3 CHOAMVA.

Gnyt Instagramers... And Hongera tele ziende kwa kaka platnumz... I must say he did Tanzania proud...

Read More

Ifahamu nafasi muhimu ya UKAWA katika sakata la TEGETA ESCROW ACCOUNT.

Wale waliotazama Kikao cha Bunge cha jana,
watakuwa walishuhudia jinsi wabunge wa CCM,
Waziri Lukuvi na Spika walivyokuwa
wakiwabembeleza wabunge wa UKAWA wasitoke
nje. Kwa nini?
Kamati ya PAC chini ya Zito, ndiyo iliyokuwa
imetoa taarifa za mwanzo kabisa kwa mataifa
wahisani kwa bajeti ya Tanzania kuwa vigogo wa
serikali walikuwa wamechota pesa toka akaunti
ya Escrow. Ikumbukwe kwamba kamati ya PAC
katika mfumo wa kibunge katika mataifa yote,
ina uzito wa juu zaidi kuliko kamati zote za
Bunge. Mataifa wahisani, kwa kuzingatia kauli ya
PAC, walisimamisha usaidizi katika bajeti ya
Tanzania na kusema kuwa katika corruption
wana 'zero tolerance'.
Aliyekwenda kuibua hoja hii Bungeni ni Kafulila,
mbunge wa upinzani, huku serikali ikijitetea
kuwa hakuna ufisadi.
Taarifa ya CAG na TAKUKURU na PAC, wote
wameeleza uchafu mkubwa katika malipo

yaliyofanywa kwa PAP:
1) PAP si mmiliki halali wa IPTL
2) Akaunti ilikuwa inamilikiwa na TANESCO na
IPTL lakini pesa amelipwa PAP
3) Pesa imetolewa kwenye akaunti ya Escrow na
PAP, na kulipwa kwa Rugemarila, kabla ya hata
huo ununuzi fake wa IPTL kukamilika. Hii ni
kama mtu aliyelipwa fidia ya uharibifu wa gari
na bima kabla ya ajali kutokea
4) Mauzo fake ya hisa za 70% yana thamani
ndogo kuliko ya 30%
5) Mbinu zilifanyika kukwepa kodi mbalimbali
na nyingine kulipwa kiwango cha chini kabisa
(chini ya 10% ya ile iliyostahili)
6) Miamala ilifanyika kwa viwango
visivyokubalika na BOT na kukiuka mkataba
tulioridhia wa anti money laundering
Hatua za kuchukua baada ya haya yote
zinastahili zimridhishe kila mhisani wa Tanzania.

Kuridhika kwa mataifa haya kuna sehemu mbili.
Ya kwanza ni lazima kuonekane kuridhika kwa
vyombo vya ndani ya nchi hasa PAC na vyama
vya upinzani vilivyoibua kashfa hii. Ya pili ni
kuonekana dhahiri kwa kila mhisani kuwa hatua
kali zimechukuliwa.
Kikwete na CCM wanalijua hilo. Wanafahamu
kuwa wahisani hawawaamini, ndiyo maana
wanataka UKAWA washiriki mpaka mwisho ili
ionekane kuwa vyombo vyote vya ndani, pamoja
na vyama vya upinzani wameridhika kwa
maamuzi yaliyofanywa. CCM na Kikwete,
wanafahamu kuwa wahisani katika ufisadi huu
wanawaamini wapinzani zaidi kuliko serikali,
Rais Kikwete na CCM. Kuondoka kwa wabunge
wa UKAWA bungeni, na kuazimia hatua hafifu
kutazidi kumdidimiza Rais, serikali na CCM.

Lakini pia kuna wananchi wanaoona
kinachoendelea.
Athari ya UKAWA Kutoshiriki Maamuzi
Endapo UKAWA watatoka, CCM na serikali
kuweza kuaminika na wahisani itabidi RAIS
achukue hatua kali sana, zaidi ya maazimio ya
Bunge ili wahisani waweze kuamini mfumo wa
utawala wa Tanzania. Rais asipofanya hivyo,
hakuna hata dola moja itakayokuja Tanzania
kuinusuru bajeti ya Kikwete. Lakini ni kutokana
na ufisadi huu, mataifa ya Ulaya na America,
yamemwondolea hadhi na heshima Rais
aliyokuwa akijitahidi kuijenga. Ni Wachina pekee
yao ndiyo wanaoonekana kuwa naye.

Serikali Haina Chaguo Jingine
Kwa sasa serikali haina fedha, na haina fedha ya
kigeni. Uwezo wa ugharamiaji wa huduma za
ndani haupo, miradi ya maendeleo imesimama,
uchaguzi mkuu unakuja, hali ya kisiasa ya CCM
kwa sasa ni mbaya zaidi kuliko miaka ya nyuma
na uelewa wa wananchi unazidi kuongezeka. Kwa
hali hiyo ya serikali, ndiyo maana serikali
inalazimika kuridhia chochote kutoka kwa
wahisani na wapinzani wake UKAWA.
UKAWA wana Turufu
Kwa sababu nilizozitaja hapo juu, UKAWA
wakitaka hata PINDA atoke, atatoka tu, wakitaka
waziri yeyote atoke atatoka tu. Lakini naamini
UKAWA hawatatumia turufu hiyo kuwaadhibu
wasiohusika.

Mbowe na Zito Wanasiasa Werevu
Wapo ambao hawaelewi werevu wa Zito kuridhia
mapendekezo ya Chenge. Wabunge wa CCM na
Spika bila kujua, wakakubali kuwa wote
waliotajwa, azimio la Bunge liwe kama lile la
Maswi, wakapiga makofi na kukubali. Azimio lile
lilikuwa linamweka na Pinda katika kundi la
kuchukuliwa hatua na Rais. Hivyo mzigo wote
ungerushwa kwa Rais, na kama Rais
asingechukua hatua, kila mmoja na wahisani
wangejua kuwa tatizo ni Rais. Ole Sendeka
akashtuka, na ndiyo Makinda akafunguka macho
kujua hatari ya pendekezo la Zito. Wabunge wa
CCM waliposhtuka, Mbowe na wabunge wote wa
UKAWA wakagomea maazimio mepesi na kutaka
kutoka nje ili ijulikane kuwa maazimio mepesi
yametolewa na wabunge wa CCM tu.

Hawakutaka Escrow Ijadiliwe bali Walilazimika
Kujadiliwa kashfa hii hakukutokana na dhamira
njema ya Rais, Serikali, Spika au CCM bali
walilazimika. Na ninahisi Rais alilazimisha
ijadiliwe baada ya maji kufika shingoni.
Kujadiliwa kwa ripoti hii ni sehumu ya jitihada
ya kuinasua serikali na Rais katika ukata mkubwa
wa pesa na kuporomoka kwa CCM.
Hakika hata leo kutakua na jitihada kubwa sana
za kumshawishi Mbowe wabunge wa UKAWA
wasisusie. Na hapo ndipo nafasi ya UKAWA ilipo
katika kutoa masharti kwa wabunge wa CCM,
serikali na Spika. Katika hatua hii na mazingira
yaliyopo, wabunge wa UKAWA ni wengi kuliko
wale wa CCM maana ndiyo wenye turufu. Bahati
mbaya ni wabunge wa wachache sana wa CCM
wanaoujua ukweli huu.

Read More

LIVE:Yanayojiri Bungeni: Jumamosi, 29 Novemba 2014 (Hatma ya Sakata la Tegeta Escrow Account)

SAA 3:00 ASUBUHI
Baada ya jana bunge kuahirishwa usiku, Leo saa tatu limerejea tena na aliekalia kiti ni mama Anna Makinda na ameshaahirisha bunge mpaka saa tano asubuhi kupisha vikao vya vyama(caucus) kuketi.

SAA 5:00 ASUBUHI
 Lukuvi: Wabunge tumetumia fursa ya kukaa kwenye vyama, CCM tumekaa kwa sababu tumefanya baadhi ya marekebisho ili tutoke na maazimio, tunaomba tuendelee na majadiliano na naumba utuongezee saa moja

Mnyika: Waziri amesema consultation zinazoendelea ni za CCM hatuwezi kutoka kama bunge moja, naomba muongozo hii habari ya kuweka maazimio ya chama kwa kutumia wingi.

Lukuvi: Naomba tushauri kwa pamoja nje ya bunge na niko sawa na Mnyika.

Spika: Naagiza viongozi wa upinzani na wenzao wakae pamoja maana hatutafika na anapendekeza mpaka saa kumi

Zitto: Serikali imeomba saa moja hivyo napendekeza masaa mawili tu, saa kumi ni mbali sana.

Mbatia: Nakubaliana na hoja ya waziri, kamati ni ya bunge na sio chama. Napendekeza saa nane ili iwe masaa matatu.

Tuwashauri waende na naunga mkono hoja ya saa kumi au saa tisa

Wenje: Napendekeza consultation, kamati iende wakakubaliana na turudi saa kumi na cauvas ziwe briefed

Makinda: Nataka turudi saa kumi,

Silinde: Naungana na suala la saa kumi, lakini wote waliotumiwa kwenye ripoti wasihudhurie.

Zitto pia achukue watu wake wachache wahudhurie

Bunge limeahirishwa mpaka saa kumi

SAA 6:50 MCHANA
Kikao cha CCM kimeitishwa mchana huu baada ya mapumziko ya bunge.

Tayari makamu wa rais ameshafika na viongozi waambata wote wa CCM, kinafanyika ukumbi wa White House.

Jambo la kuhashiria kuwa huenda jioni kukawa na breaking news ni kuwa tayari gari binafsi ya waziri mkuu yenye namba za usajiri T 164 AKF aina ya range rover imeshawasili eneo hili sambamba na familia yake.

Habari zilizozagaa toka kwa wabunge hapa ni kuwa jaribio la jana la kuwatuliza wabunge wa CCM limekwama kulingana na michango ya wabunge asubuhi, Sasa wamepanga binu mbili, moja ni kushinikiza bunge liiagize serikali ifanye uchunguzi kupitia ripoti ya CAG, PCCB na mapendekezo ya PAC na kisha bunge lijalo mwakani Feb 2015 serikali ije na majibu.

Na mbinu ya pili ni kukubali yaishe watu wawajibike leo leo.  

Read More

VIDEO MPYA:BEYONCE AWAFUNIKA IGGY,NICKI,J LO NA KIM ANGALIA HAPA

Beyonce amerelease video ya "7/11" na kuonesha kwamba hawezi kupitwa au kushindwa na akina  Iggy, J.Lo or Kim or Nicki.Kwenye video amenesha uwezo wake katika kushake "what her mama gave her"Beyonce alirelease hiyo video ghafla ambapo ipo kwenye album yake ijayo 

Imeandaliwa na........
                      Samchris Swai

Read More

Huu ndio ushujaa wa Zitto Jana alivyofanikiwa kumuingiza spika kwenye mtego ambao alikuwa hawezi kutoka

Zitto alikuwa kamchapa Spika Kiufundi

Ilikuwa hivi;Bunge lilifikia ukomo wa mjadala na kutakiwa kufanya maamuzi.

Wakawa wanatafuta lugha gani ikitumika haitaonyesha Bunge kuingilia Mihimili mingine kama Serikali na Mahakama.

Walipofika kumuwajibisha Katibu Mkuu wa wizara ya Nishati na Madini mvutano ukawa mkali.

Ndipo Spika akamteua Chenge atoe mchango wake.

Chenge akasema.

"Bunge linapendekeza Katibu Mkuu wa Nishati na Madini Kichukuliwa hatua na Mamlaka za uteuzi"

Wabunge wengi hasa wa upinzani hawakuridhishwa si tu na maelezo hayo bali hawakuwa na imani hata na alie kuwa anayatoa maana yeye ndio KUBWA LA MAADUI,ndipo Spika alipo Mtaja Mh Zitto ambae kwa karibu sana alikuwa akishauriana na Halima Mdee.

Ndipo Zitto akasema

"Nashauri tuikubali sentensi(maelezo)iliyosema na Mh chenge itumike kwa mapendekezo ya kamati yaliyobaki.

Kimbuka pendekezo hilo lilikuwa pendekezo nambari saba.

Pendekezo namba 8,9...yalihusu kuwajibishwa Masele,Muhongo,na Pinda.

Spika kwa kutokukua mtego wa Zitto uliolenga Mamlaka ya uteuzi imuwajibishe mpaka waziri mkuu ambae Spika amejipanga kumlinda kwa nguvu zote,

Spika akaona apige kura haraka haraka,kama kawaida ccm wakasema Ndiyoooo......


Punde tu Ole Sendeka ambae nae anataka wote wawajibike isipokuwa Pinda na Masele akashtuka na kumjulisha Spika haraka,wakati huo wapinzani karibu wote walikuwa wakilalamika kwa Spika kupigisha kura haraka haraka isipokuwa WENJE.

Ndipo Spika akagutuka na kurudi kwenye utaratibu wa mwanzo wa kipendekeza kwa kila mmoja

Wenje akaanza kumzonga Spika kuwa tumeshafanya maamuzi,na Maamuzi yalikuwa ni Ndiyo hivyo Spika asimamie maamuzi ya wabunge.

Hivi ndivyo Zitto alivyokuwa kamaliza Mchezo kirahisi kwa wale waliomuelewa,lkn wengi hawakumwelewa alichokimanisha.

Pamoja na hayo bado wote kwa umoja wetu hatupaswi kuondoka kwenye hoja ya msingi ambayo nikuona wezi wanawajibika.

Kesho Bunge litaendelea saa tatu asubuhi.

Read More

Yaliyojiri Bungeni: Ijumaa, 28 Novemba 2014 (Hatma ya Sakata la Tegeta Escrow Account)

Jana tulikuwa tunamalizia ngwe yetu ya mwisho bungeni, baada ya wasilisho la ripoti ya PAC, majibu ya serikali na mjadala wa wabunge wa jana, moja kwa moja kutoka Dodoma tuwe pamoja kuimaliza ngwe yetu. TANESCO wameshatoa tangazo rasmi la matatizo ya umeme hivyo chaji zetu ziwe vizuri nafasi ya kupata umeme inapopatikana.

=============
Spika ana Makinda ndiye aaliekalia kiti leo na Mwanri anajibu maswali yanayohusu wizara ya afya.
Mangungo(Nyongeza): Eneo la Mlandizi ni eneo la barabara kuu, nini ahadi serikali kuharakisha upatikanaji wa kituo ili kuwapelekea wananchi huduma karibu? Lipo tatizo la wahudumu wa afya na madaktari japo majengo yapo, nini jitihada ya serikali? Mwanri: Nakubaliana eneo la barabarani ajali nyingi, tutajitahidi kukamilisha haraka na kuona inafanyiwa kazi. Kuna vibali vimetoka kwa wahudumu wa afya pia wizara pia inapeleka watumishi moja kwa moja.
Tuliwapa nafasi cha watumishi 8,000 wizara ya afya pia tumewapa kibali cha watumishi 1,000 na bado hakijamaliza.
Suzan Lymo: Maslahi ya walimu lazima yaboreshe, serikali inafahamu tatizo Mwanri: Nakubaliana lazima kuboresha maslahi ya walimu, tuna upungufu wa walimu na nyumba za walimu. Mkakati wa serikali na pamoja na kudahili walimu na maabara, nyumba za walimu na kuimarisha mfumo wa kuwahudumia walimu.
Suzan Lymo: Kuna tatizo la upangaji walimu kwa shule za pembezoni, pia watendaji wanakaimisha walimu majukumu badala ya kukaa kwenye vituo vyao vya shule Mwanri: Kwanza kweli kuna tatizo, lakini tatizo kwa walimu wa sanaa limpembukua sana, tutafanya upangaji(re-allocation). Mwalimu kazi yake ni kufundisha hivyo kuwapa kazi za watendaji haikubaliki.
Leizer: Ni lini serikali itachukua mkakati kwa nyumba za walimu kama walivyofanya maabara! Mwanri: Jitihada za maabara tunazipongeza halmashauri, kuna halmashauri tumewapelekea milioni 500 kila moja ambazo zipo katika mazingira magumu.
===============
Maswali sasa ni kwa Wizara ya Nishati na Madini, ambapo maswali yanajibiwa na Naibu Waziri wa wizara hiyo, Mhe. Stephen Masele.;
Mhe. Mbilinyi: Tunazungumzia sana mafanikio ya kusambaza umeme, kuna umuhimu gani wa kuendelea kusambaza umeme wakati huwa unakatwa kwenye nyakati maalum. Mfano; Jana kwenye mjadala wa Escrow?
Jibu: Tutofautishe kati ya kuwapatia umeme wananchi na kupatikana umeme wakati wote. Jana kulikuwa na hitilafu ndogo tu, ila Leo mbona umeme upo.
Mhe. John Komba (nyongeza) : Katika Maeneo ya Mbamba bay, kwanini umeme mpaka sasa haujafika kama ilivyoahidiwa?
Jibu: Kuna Matatizo ya nguzo, kutokana na demand kuwa kubwa sana wakandarasi wameagiza nguzo za kutosha ili kuhakikisha miradi yote inakamilika.
Maswali kwa wizara hii bado yanaendelea....
============================== =========
Sasa ni zamu ya maswali kwa Wizara ya Mambo ya Ndani ya nchi;
Swali: Ni lini serikali itaboresha magereza kwa kuwa yapo kwenye hali mbaya kwa uchakavu, pamoja na miundombinu yake mibovu?
Jibu (Naibu waziri) : Serikali kupitia wizara yangu, ipo kwenye mikakati ya kutatua changamoto hiyo.
Swali: Hivi karibuni, nchi jirani ya Kenya tukio la westgate lilitishia usalama wa nchi na raia wake, Je serikali imejipanga vipi kuzuia tukio kama lile lisiikumbe Tanzania?
Jibu: Tukio la Westgate la Kenya, lilikuwa ni tukio la kupangwa likihusisha masuala ya ugaidi. Serikali ya Tanzania kupitia jeshi la polisi, linajitahidi kwa makusudi kukusanya taarifa za kiintelijensia na kuimarisha ulinzi.
==================
Maswali kwa Wizara ya Sayansi na Teknolojia;
Swali: Ni kiasi gani makampuni ya simu za mikononi zimelipa Kodi kwa Mwaka uliopita?
Jibu: Makampuni ya simu hulipa kodi kwa utaratibu uliowekwa. Aina za kodi ni pamoja na VAT, Service, Corporate TAX na nyinginezo.
Swali Nyongeza: Hivi karibuni serikali imeweka mtambo wa kudhibiti simu zinazoingia na kutoka nchini. Je, imeongeza vipi kodi (pato)?
Jibu: Ni kweli serikali imeweka mtambo wa mawasiliano pale TCRA, Mtambo huo una kazi zake mbali mbali. Lakini kwa sasa serikali imefikiria namna ya kupata solution ya kuangalia namna gani itakagua mobile money transfer ili kuweza kutoza kodi.
Swali nyongeza (Zungu): Mheshimiwa waziri hujatoa majibu ya kitaalamu, kwani mtambo huo bado kabisa haujaanza kufanya kazi kama inavyotakiwa kufanya. Sasa nauliza, ni lini software hii ya kutoza wafanya biashara hasa wa mitandao ya simu italetwa na kuanza kufanya kazi ili mwananchi ajue kodi yake inaenda serikalini moja kwa moja?
Jibu: Kwa sasa mtambo unafanya kazi ya kukagua simu zinazoingia na kutoka, za kihalifu pamoja na kukagua mawasiliano kwa ujumla. ILa Tunaamini mpaka kufikia mwisho wa mwaka huu kazi hiyo itakuwa imekamilika.
===================
Maswali na Majibu kwa Wizara ya Fedha;
Swali (Prof Makyusa): Tangu kuanzishwa kwa VICOBA wananchi wamenufaika sana, Je Serikali inaitambua VICOBA kama ni mkombozi kwa wananchi vijijini?
Jibu (Mwigulu): VICOBA ni miongoni mwa taasisi ndogondogo za fedha zinazoanzishwa ili kutatua changamoto za kifedha kwa wananchi hususan wa vijijini. Taasisi hizi husimamiwa na wananchi wenyewe. VICOBA si taasisi ya Serikali, bali ni ya mtu binafsi. Kwahiyo wizara haina bajeti kwa taasisi ya VICOBA.
Swali la Nyongeza: Kwa kuwa VICOBA si taasisi ya serikali na serikali haina bajeti kwa ajili ya taasisi hizi ndogo ndogo, Kwanini sasa isifikirie namna ya kuboresha na kuziwezesha hizi taasisi za microfinance kwa kuwa ni jambo jema?
Jibu: Serikali itajitahidi kupitia miradi ya maendeleo, kufikiria namna ya kuweza kuwezesha VICOBA, pamoja na kutoa mafunzo kwa wananchi wanaoishiriki kwenye VICOBA, Serikali pia inafikiria kuifanya VICOBA hatimaye kuwa rasmi kama hatua kubwa kwa ajili ya maendeleo ya wananchi kujitegemea.
=========================
Ni zamu ya Maswali kwa Wizara ya Kilimo na Chakula;
Maswali yanaulizwa kuhusu kukosekana kwa pembejeo katika baadhi ya vijiji na wilaya, Na Wizara inajibu kuwa zoezi la kutoa pembejeo limeanza, labda Mawakala wanafanya zinachelewa kuwafikia wananchi, Hata hivyo wizara inadai itafuatilia.
============================== ====
Maswali kwa Wizara ya Maji;
Swali (Mhe. Mbilinyi): Tatizo la kukatika kwa maji na kukosekana katika maeneo mengi ya mbeya, linasabishwa na nini?
Jibu: Kukatika maji kunasababishwa na kukatika kwa umeme mara kwa mara. Hivyo ni changamoto ambayo inafanyiwa kazi.
Swali la nyongeza: Kuna tatizo la bili pia. Wananchi wanalalamika bili ya maji huja kwa bei ya juu tofauti na malipo ambayo hufanywa mara zote.
Jibu: Swala la bili huwa inatokea. Tutaliangalia hilo kwa umakini mkubwa.
============================== =
Wizara ya Elimu na Mafunzo ya ufundi;
Swali (Nyangwine): Lugha ni nyenzo muhimu katika kujifunza, kwanini lugha ya kiswahili isitumike kama nyenzo rasmi ya kujifunzia?
Jibu: Lugha ya Kiswahili na kiingereza zinatumika kwenye kujifunza, hata hivyo suala hilo litapewa kipaumbele kwa kuwa Kiswahili ni lugha ya kipekee.
Maswali machache yanafuatia. Majibu yanatolewa.
================
Mwisho ni Maswali kwa Wizara ya Ardhi, Nyumba na Maendeleo ya Makazi;
Maswali yanaulizwa kuhusu sheria ya ardhi inayozungumzia ulipwaji wa fidia kwa wakazi wanaoathiriwa na uchimbaji au matumizi makubwa ya ardhi kwa maeneo husika. Ikiwemo kuwapa makazi mapya pamoja na fidia kulingana na thamani ya bei husika.
Wizara inajibu kuwa ni kweli, na sheria iko wazi. Isipokuwa kipengele cha ujenzi wa makazi mapya hakikuandikwa kwenye sheria lakini ni jambo la kufanyiwa marekebisho tu.
============================== ==============
UTAMBULISHO WA WAGENI NA MATANGAZO YA KAZI
============================== ==============
Mkono ameomba kuwa kwenye sehemu ya wachangiaji baada ya Muhongo kumuhusisha jana.
MJADALA
Nchambi: Anailaumu serikali kwa kuchelewesha kuleta jambo husika bungeni, watanzania wana hamu ya kujua fedha ni nani? Wakili wa TANESCO(Mkono) alishauri kufunguliwa akaunti(ananukuu maandiko ya biblia kuhusu kuheshimu mamlaka), anasema kila mtu atawajibika kwa namna yake.
Hasara nyingine tuliyoipta ni gharama za mawakili(bilioni 62) ambayo watuwengi hawaigusii, kesi imeenda miaka kumi hivyo haki kupatika ilionekana ni ngumi na bado tunadaiwa. Baada ya malipo tutakuwa tumepoteza bilioni 90 kwenye kesi.
Lazima tuangalie pande zote mbili, sehemu serikali inapotakiwa kuwajibika pia watu binafsi watatakiwa kuwajibika, fedha baada ya kutoka escrow na maamuzi(ruling) kutoka. Ilionekana bado TANESCO bado ingedaiwa lakini lazima serikali ituletee majibu dhidi ya mgogoro wa capacity charges.
Wizara ya nishati na madini ilikuwa na matatizo mengi kabla ya Prof Muhongo, tunapojadili hoja tujadili yenye mashiko. Tanzania ina kata 3804, Muhongo ameingia katika bajeti moja na kusambaza umeme vijiji vingi (ananukuu Quraan kuhusu kusema kweli).
Ananukuu Biblia watu wasiwe wakorofi(kumuingilia wakati anaongea), fedha za Escrow sio ugomvi ya ubadhilifu wa fedha pekee. Bei ya umeme tunaouziwa imeshika baada ya Muhongo, anasema kunaweza kuwa na chuki ya kibiashara hivyo tutumike kwa masilahi ya nchi na sio wafanyabiashara.
Kuwatisha wawekezaji sio jambo jema na tutapoteza imani na wawekezaji, waliotajwa kuhusika na fedha hizo serikali iwachunguze. Wapo watu wameingiziwa fedha kwenye akauti zao. Ananukuu Quraan kuhusu haki na batili, anapata mashaka mbunge kwenda kukagua wakati yeye pia anatiliwa mashaka. Kuna list ya watu itakuja hapa bungeni, kuna watu wa kambi ya pili wametetea hili jambo kwa upole na unyonge. Wabunge tusimamie haki na tuseme ya kweli, tulianza na Mungu na tuendelee na Mungu. Anamsifu Muhongo kwa kazi anayoifanya wizarani. Waziri mkuu ametajwa, ametajwa kwa namna tofauti na kuna watu ni majeruhi. Ananukuu Quraan kuhusu wajuzi, niwatie moyo mjadala uende vizuri.
Mwigulu Nchemba: Ukububwa wa jambo tunaongelea maadili na maslahi ya watanzania, nitajikita eneo linalogusa wizara ya fedha. Nazipongeza taasisi zote zilizoshiriki kwenye ripoti hii(anazitaja). Tangu utaratibu huu uanze, chimbuko la ripoti hii ni serikali yenyewe.
Kodi, imegawanyika maeneo matatu, VAT haikukatwa na kukatokea mkanganyiko, TRA inashughulikia na ni ilikua ni bilioni 26.97 lakini baada ya kugundua kuna kodi ya wananchi haijakusanywa ndipo wakakusanya bilioni 4.1 na ukaguzwa ni wa kwenye Escrow na sio IPT. Niwahakikishie watanzania kuwa kodi hii italipwa, hatuwezi kuacha kodi kwa tajiri halafu tukimbizane na mama mjane anaeuza mchicha barabarani.
Kodi ya pili ni iliyotokana na kukosewa kwa mahesabu na ni lazima ilipwe, TRA imeshaandika barua ya Novemba 2014 ya kufuta cheti(certificate). Brela wameshapewa notice ya kufuta capital gain certificate iliyotolewa kipindi kilichopita. Hatua imechukuliwa na serikali na tuko makini. Kuna watu wasio waaminifu, kuna mtu badala ya kuandika $ milioni 6 akaandika Tshs milioni 6 na badala ya kuandika $milioni 20 ameandika Tshs 20. Naagiza mamlaka ya TRA ifanye uwajibishaji wa ndani na akafanye kazi nyingi na hakuna uchunguzi juu ya uchunguzi. Mtu aliyeiba ukimfukuza kazi ni kumpa likizo akatumie fedha alizoiba hivyo mamlaka husika wachukue hatua. Tumeambiwa kuhusu pesa zilizogawiwa, na wenyewe walipie kodi kabla ya tarehe 31/12/2014. Baada ya tarehe hio TRA wafatilieni mmoja mmoja. Kuna taarifa pesa zilitoka kwenye mafurushi na magunia, nimefatilia na wamefata sheria. Anatoa agizo kwa Stanbic na Mkombozi watoe matamko, wateja wao wana haki ya kujua reputation ya benki yao. Niwaombe wabunge, kuna kuongea na kuchukua hatua na watanzania wanasubiri kuchukua hatua. Tumekua tunawachukulia hatua wanasiasa lakini wataalamu waliosomeshwa kwa kodi hawajibiki popote.(Muda umeisha)
Kafulila: Benki ya stanbic wamemfukuza kazi aliefungua akauti ya PAP amefukuzwa kazi asharudi kwao Uganda hivyo hizi ni dalili kuwa kuna makosa yalifanyika ndo maana hatua zimechukuliwa.
Mnyaa: Nampongeza Nchemba kwa kusimama katika ukweli, economic hitman ni kama Mafia, na washawahi kuziangusha nchi(anazitaji) na miradi mikubwa wanayohusika nayo ni kama ya umeme, tujiulize kama hawajaingia Tanzania. Nyaraka nyingi zilizothibitishwa akatoa mbunge kuzikanusha ni kosa, Muhongo anasema ana nyaraka muhimu kwannini hakuzipeleka kwa CAG, maadili ya viongozi ambayo katika maazimio ya Richmond yaliazimiwa. Mwanasheria wa RITA leo yupo katika IPTL na mgao. CAG anapinga wabunge kuwa wajumbe wa bodi, leo hii sio conflict of interest? Wahusika ni IPTL na TANESCO na BoT NI MSIMAMIZI.
Imekuwaje BOT kutuma pesa PAP badala ya IPTL, kwa nini imekiuka akouti ya Escrow.
Mchangiaji: Ni dhambi kudhania PAC ni chombo cha wapinzani, kama kuna mapungufu ni bora tuyarekebishe, wanaofanya haya wanakula na viongozi wetu wa juu. Katika hili wananchi wameathirika sana kutokana na balaa hili la overcharge. Haiwezekana watu kuchukua pesa za dhulma na sisi wanyonge kuzilipa. Hakuna yoyote aliye alie juu ya sheria, uwajibikaji ni la lazima. Mbona alijiuzulu kwa mzigo wa watu wengine kwakuwa walikuwa chini yake.
Ashumta Mshana: Kuna taarifa tatu, ya serikali, PAC na CAG ila ukisoma zote zimetofautiana hivyo kutufanya tusielewe vizuri, taarifa ya PAC ina mapungufu mengi. Mbowe ametajwa kupokea pesa lakini haijataja.
Taarifa: PAC inafanyia kazi taarifa ya CAG, hayo majina unayoyasema hayakuwepo.
Ashumta: Kwani mapendekezo ya PAC yapo kwenye taarifa ya CAG
Mwenyekiti: Si vizuri kutaja majina ambayo hayapo kwenye ripoti.
Ashumta: Benki ya Mkombozi pekee majina yake ndio yameletwa, tunataka na majina ya Stanbic. Waziri mkuu hawezi kuondoka, tunao uhakika mbele yetu. Ripoti ya CAG hakukuwepo kuwa Muhongo amehusika moja kwa moja.
Waziri wa nchi: Kwa mujibu wa kanuni, nasogeza muda wa bunge mpaka saa nane mchana.
Nkumba: Serikali lazima ichukue hatua, haiwezakini ukapewa bilioni na Lugemalila lazima aseme alitoa hizo fedha kwa ajili ya nini. Nimshukuru Lugemarira ametusaidia sana kumaliza hili jambo hili. Hata kama ni chama cha mapinduzi tuwashughulikie.
Sendeka: Hapa hamna uwajibikaji wa pamoja bali mtaje wahalifu, wahalifu lazima wabebe, hakuna majina ya watu kwenye mauzo, huhitaji akili kubwa kujua kuwa hapa kuna uhalifu, watu wamekwepa kodi bilioni 8.7 kwa watu kughushi, haihitaji upoteze muda, utajua hapa kuna utapeli tangu mwanzo, kusimama na kusema ofisi ya CAG ni uongo mtaiambia nini dunia kwamba vyombo vyetu vyetu tulivyoviweka ni uongo. Hii ni dhambi, watu wanaopata fadhila za wizara wanakaa kwenye kamati. Muhongo kafanya kazi ya udalali, watanzania ni vyema wakapata majibu kama ni kweli ama la, kwenye mkataba unamtaja mheshimiwa Muhongo(anaunukuu)
Muhongo anaomba taarifa kuwa anachosema Sendeka ni uongo na kilichoandikwa si lazima awe sahihi, niwahakikishie watanzania hakuna mwekezaji yeyote nchi hii ambae hajaja kuonana na mimi.
Zitto: Nyaraka za CAG zimekua verified lakini za Muhongo alizozitoa uongo, mkataba unasema walikutanishwa na Sendeka.
Sendeka: Nimesoma kwenye mkataba ambao pia uko ofisini kwako na wewe umeshiriki, profesa aliita nyaraka nilizozileta ni za kufungia maandazi, hakuna shaka kuwa Muhonga alikua dalali katika dili hili, nina uhakika miongoni walionufaika ni waliowezesha dili hili. Ingekuwa haunizidi umri ningesema ulichofanya ni ukuwadi. Kodi la ungezeko la mtaji kila mmoja anajua tulivyoibiwa, ushauri wa nwanasheria mkuu umekwepesha kodi nchi hii, tunamlinda kwa sababu gani, Muhongo na Maswi pia bodi ya TANESCO inabaki kwa sababu gani! Tulimwajibisha, waziri leo anapewa masaa mawili kuitetea serikali ambayo si ya serikali bali wake mwenyewe. Mlienda Kunduchi kugawana fedha kwa njaa. Isaidieni nchi hii, hamuwezi kukwepa kodi alafu mkaja kutetea. Mwisho tupige kura juu ya mambo haya. Hatujakokotoa na bado tukampa Lugemalira lakini alilipa mabilioni ya kodi wakatiSeth mmemuacha. Mkono mlimpa dili wenyewe na mwanasheria wa TANESCO mkamfukuza bila haya, mi naomba waziri mkuu arudishwe. Huitaji kuwa msomi kujua. (Muda umeisha)
Lekule: Mhe M/Kiti, Hili suala tusiliwekee utani. Tusilizungumze wala kulijadili kwa mzaha. Ni jambo zito tusilete siasa. Sio suala la CCM kuiba fedha za UKAWA wala kinyume chake bali ni suala la wizi wa fedha za Umma.
Kiwango cha fedha kilichoibiwa, ni kiasi kikubwa. Hatuwezi kusema hizi pesa sio za umma, maana kuna fedha za kodi, hata kama pesa ni za mashirika, lakini zina kodi ndani yake. Kwahiyo ni fedha za Umma kwa na namna moja ama nyingine.
Akaunti ya escrow imeingiliwa na wezi wa aina mbalimbali. Leo tutafute sumu ya kuwapa hawa wezi wa hizi fedha.
Mhe. M/kiti, haya mabilioni yaliyogawanywa utashangaa, hivi huyu tajiri aliyegawa hizi fedha,anataka nini kwa hawa watu wote hawa? Hata duniani kote haijawahi kutokea tajiri akagawa pesa kwa namna hii.
Hizi fedha ni za jasho lake kweli? Maana haitegemewi fedha za jasho lake kugawiwa kwa namna hii, Matarajio yake ni nini kutoka kwa hawa watu?
Mhe. M/kiti, TANESCO ni shirika la umma, kwahiyo kama kuna fedha za TANESCO humo ndani tuna haki ya kudai. Kama ikishindikana kutowawajibisha hawa waliohusika na wizi huu, basi ni bora waliotangulia kama wakina lowassa, ngeleja na wengineo waje tuwaombe radhi, Kwa sababu sioni tofauti ya hawa viongozi.
Kwa sababu sitegemi nipewe 1.6 bilioni bila kujiuliza, hizi fedha ni za nini?
Kwahiyo naomba uchunguzi ufanyike zaid. Mimi nawapongeza kamati ya PAC, wamefanya kazi nzurri na bunge tuige kamati hiyo. Naomba na kamati nyingine zitakazochaguliwa kufanya kazi kama hii waige mfano huu.
<<<<<<<TAARIFA>>>>
Lekule: Mhe M/kiti bado nasema, hii kazi tunayofanya tufanye kwa umoja bila kumuonea mtu na tusilindane tufanye kama inavyotakiwa..(Makofi)
Asante sana.
====================
Mwenyekiti wa bunge, Mussa A. Zungu anaahirisha kikao cha bunge hadi saa 10 badala ya saa kumi na moja jioni, ili wachangiaji wawe wengi na kupata muda wa kutosha.
Wachangiaji watakaoanza jioni ni;
- John Mnyika
- Halima Mdee
- Esther Bulaya.............na wengineo.
Asanteni.
==============

DONDOO MUHIMU KIKAO CHA JIONI
Kigwangalla: Sijawahi kuona Profesa muongo kama Muhongo Kigwangalla: Toka lini pesa za watu binafsi zikawekwa Benki Kuu?
Mpina: Ni bahati mbaya tuna Profesa muongo kama Muhongo ambaye ni Waziri wa Nishati na Madini. Pesa zilizotolewa hazijalipwa kwa mmiliki halali wa IPTL, PAP sio wamiliki halali!. Mwanasheria Mkuu wa Serikali aliingilia majukumu ya TRA ktk kukusanya kodi
Zitto: Nimekuwa na mgogoro na chama changu lkn kwenye hili wameniunga mkono, kwa mara ya kwanza nimehudhuria kikao cha UKAWA
Kuna baadhi ya wajumbe wanadai tumetumwa na Uingereza. Hakuna kinachonituma kufanya haya, ni uzalendo kwa nchi yangu
Mahakama ilikiri kuwa kweli tulikuwa overcharged; ikaamriwa yafanywe mahesabu upya!
Prof. Muhongo alisema anaheshimu mahakama za ndani. Jaji utamwa hakuwa anaamua kesi ya Escrow wala Capacity Charges
Jaji hakusema kokote kuwa toeni hela mkawape IPTL. Hakuna sehemu alikotaja kitu kama hicho
Kama TANESCO ina madeni makubwa na haina hela; Tanzania ina deni kiasi gani la Taifa? Basi tumeshauzwa!
Muhongo alikuta TANESCO ikiwa na hasara ya Bil 43. Sasa TANESCO ina deni la zaidi mara 4!
TRA wamegundua fraud kwamba nyaraka za PAP zilikuwa forged! Nchemba ameonesha ukomavu ktk hili
Hivi watanzania tumefikia hatua ya kuukata utanzania kabisakabisa?
Prof. Muhongo anadai yeye hahusiki na mambo ya makampuni. Sheria iliyotungwa mwaka 2012 haisemi hivyo!
Umeme umekatika Bungeni, wabunge wanashangilia!
Zitto: Kijana aliyesema Singh ni tapeli ametengenezewa kesi ya mauaji. Alifukuzwa kazi! Naomba apatiwe ulinzi
Zitto: Prof. Tibaijuka aliniandikia mchango wake wa maandishi kuelezea alivyopata fedha; tunawaachua Kamati ya Maadili
Zitto: System ili-collapse wakati wa mchakato wa uhamishaji wa mabilioni haya
Zitto: Tuhuma zikiachwa bila kufanyiwa uchunguzi watu huziamini. Naomba tuhuma za Lusinde kwangu zifanyiwe uchunguzi
Zitto: Naomba wanaonishughulikia wanishughulikie mimi; mwacheni mamangu apumzike (anatokwa machozi)
Kafulila: Tusiache kujadili kifo cha Waziri Mgimwa kisa mwanae hataki; kuna siku Rais atakufa na mwanae atataka tusichunguze
Chenge: Naomba neno KUFA listumike bali litumike neno KUFARIKI linakuwa na staha kidogo
Pendekezo la Serikali kumkamata Harbinder Singh Sethi kwa money laundering limekataliwa na Serikali hadi kesi iliyopo iishe
Lissu: Sethi akamatwe. Shauri lililopo mahakamani ni shauri la baadae! Akamatwe kwa sababu jinai kubwa imefanyika
Lissu: Pendekezo hili la serikali naomba wabunge wasilikubali; mtu huyu ahukumiwe kwa jinai
Simbachawene anapendekeza Sethi asikamatwe kama ilivyopendelezwa na Serikali; wabunge wanazomea
Mdee: Si ajabu kwa mtu mmoja kuwa na kesi ya jinai na kesi ya madai. Huyu Sethi afunguliwe kesi ya jinai
Halima Mdee: Kilicholetwa na Serikali ni ovyo, kinalinda wezi (kutaka Sethi asikamatwe mara moja)
Pindi Chana: Wa kukamatwa si Sethi peke yake; vyombo vya dola vifanye uchunguzi kwanza kubaini jinai iliyofanywa
Zitto: PCCB na TRA wameshafanya uchunguzi; mnataka vyombo gani vingine vifanye uchunguzi?
Werema: Eneo hili ndo litaleta mgongano mkubwa kati ya Bunge na Mahakama. Kwa sasa ni vigumu kusema "mkamate"
Makinda: Mnaposema akamatwe mnakosea, sisi siyo mahakama, tutafute njia nyingine na tuweke lugha ya kwetu siyo ya mahakama
==================

MAAZIMIO
Pendekezo la kwanza la kumkamata na kumfilisi bwana Seth lina marekebisho ya serikali, naibu waziri wa Sheria anasema haiwezekani
Pendekezo la pili kuhusu Rugemalira, serikali imeweka marekebisho kuhusu uhalali wa pesa za Rugemalira alizogawa

Azimio la TATU limerekebishwa kuwa waliopokea pesa wachunguzwe na kuchukuliwa hatua mahususi kwa mujibu wa sheria
Pendekezo la NNE. Kamati inazitaka mamlaka kuzitangaza benki za Mkombozi na Stanbic kama asasi za utakatishaji fedha
Azimio la 4 limepita kwamba Kamati inazitaka mamlaka husika ikiwemo benki kuu kuchukua hatua dhidi ya benki zote zilizohusika
Azimio la TANO: Serikali ipitie upya mikataba yote ya umeme na kutoa taarifa kabla ya kumalizika kwa Bunge la bajeti lijalo
Azimio la SITA: kuhusu Bodi ya TANESCO kuvunjwa kwa kusababisha pesa kuchotwa na hasara, serikali imekataa, mjadala unaendelea

Kingwangala: Kanuni zetu zinataka mtu yoyote anayetaka mabadiliko ya maazimio lazima awe amekawasilisha kabla
Kafulila: Kwa mujibu wa mkataba wa IPTL, maamuzi ya mwisho yanafanywa na mahakama ya London, bodi walikuwa na maamuzi hayo na haikuwajibika na maamuzi ya mahakama za ndani ya nchi
Majibu: ISCD ilisharidhia injuction ya mahakama ya Tanzania na ikaijulisha standard charted hivyo si sahihi kusema ISCD ina mamlaka ya mwisho, IPTL pia ilipata injuction kwenye mahakama za Tanzania
IPTL sio kampuni ya kimataifa tena bali kampuni ya ndani
Mdee: Bodi ya TANESCO, napendekeza vyombo vinavyohusika vifanye uchunguzi vitendo vya jinai na kuchukua hatua kwa bodi ya TANESCO
Mbowe: Kazi yote hii pengine tusingefika hapa kama bodi ingekua makini, bodi ya TANESCO haiwezi kukwepa lawama hii. Bodi ya TANESCO iwajibishwe
Lissu: Maneno ya Mdee yanahusu jinai, ishu ni bodi ya TANESCO, (Anapendekeza bunge livunje bodi ya TANESCO ivunjwe na iundwe upya kuongeze ufanisi.
Shekifu: Tusifike mahala bunge likatoa amri lakini kutekeleza shughuli pia tuna mihimili mitatu, bunge linaishauri tu serikali na bunge haliwezi kuivunja bodi ya TANESCO
Azimio hili ni la bunge hivyo tuepuke kuvunja katiba
Zitto: Bunge linaelekeza kwamba bodi ya TENESCO liundwe upya maana taasisi zote zimeshachunguza kama TAKUKURU na nyinginezo
Maelekezo ya Lissu yanapitishwa na wabunge
Azimio la Saba: Kamati imethibitisha katibu mkuu wa wizara ya nishati na madini amefanya uzembe pia amesaidia pesa za Escrow akaunti kulipwa kwa asiyestahili, kamati inashauri uteuzi wake utenguliwe mara moja.
Waziri: Maswala yote yatachukuliwa hatua baada ya uchunguzi.
Kafulila: Halina mabadiliko na kama ni uchunguzi umeshafanywa na CAG na TAKUKURU, bunge kama chombo kinachoisamamia serikali libaki na meno yake ya kuisamamia serikali.
Simbachawene: Katibu mkuu ni mtumishi wa umma, na mwenye mamlaka nae ni raisi wa jamhuri hivyo bunge haliwezi.
Nagu: Nakubalianana uzito wa jambo, watendaji wa serikali wanawajibika kweli lakini wana haki zao, mamlaka husika waangalie na wachukue hatua.
Sendeka: Kamati inapendekeza uteuzi utenguliwe na TAKUKURU wamfikisha mahakamani, sisi tumeshauri na watu ambao tuna mamlaka nao ni waziri mkuu na raisi.
Zitto: Taarifa kwa waziri, taarifa hii inaweza kutumiwa na vyombo vya sheria.
Sakaya: Sio ikithibitika kwani kwa taarifa zilizopo imeshabitika
Suzan Lymo: Kwa uchunguzi ambao umeshafanyika, katibu mkuu huyu ana matatizo kwa sababu PAC na CAG ameshaonyesha
Vyombo vya kiuchunguzi viendelee kufanye uchunguzi
Lissu: Bunge litofautishe maswala la kijinai na mendine sio ya kijinai kama kutengua uteuzi. Wapo wanaolindwa na sheria, lakini wapo wanaoserve kwa mamlaka ya raisi hauwezi ukasema wana protection ya kisheria. Tunaomba nipendekeze bunge linaazima na sio kupendekeza.
Zitto anapendekeza katibu mkuu asimamishwe kupisha uchunguzi.
Wasira: Lazima tukubali nchi inaendeshwa na mihimili mitatu, juzi tulipata tatizo la mahakama kuzuia bunge na sisi pia bunge tusiingilie serikali.
Mchangiaji: Uchunguzi utafanyikaje wakati watu wako kazini?
Werema: Mimi ndiye niliyemshauri Katibu Mkuu Maswi kushughulikia fedha, ninambeba hivyo shughulikeni na mimi
Imeshindikana kupita kwa azimio la saba, Spika kaamua waendelee na azimio la nane, watarudi kupiga kura mwishoni.
Azimio la nane: Bunge limemuondoa Naibu Waziri wa Nishati Masele kwenye mapendekezo kwa kuwa hana hatia ya kuadhibiwa
Azimio la tisa: Linajadiliwa kuhusu kutengua uteuzi wa Waziri Prof Muhongo lakini upande wa serikali imekataa
Bunge halina mamlaka ya kumwambia raisi atengue baada ya Lissu kulitaka bunge kutengua uwaziri wa Muhongo.
Mbaruku: Bunge kazi yake ni kushauri na bunge haliwezi kuwa messenger. (Anashauri anavyoona)
Muhongo ameshutumiwa amedanganya bunge lakini hamna popote iliposemwa fedha hizi ni za umma moja kwa moja. Hivyo nashauri versin ya muheshimiwa Chenge.

Shaha: Tunachohitaji ni lugha nzuri bila kudharau muhimili mwingine. Tuhoji na tumalize na tuulize wanaoafiki Lissu au Chenge.
Zitto: Akili yangu imechoka kidogo hivyo sina pendekezo.
Mbowe: Bunge kufikisha saa tano kasoro ni historia, lakini leo kuna uzito wa kiti na uzito wa wabunge kwa mamlaka ambayo yako ndani yao. Panaonekana kuna maamuzi mengine ya kulinda watu. Kwa nini leo tuna kigugumizi. Tunapata wakati mgumu kuendelea kushiriki kikao cha kulindana. Kwanini mnalinda wezi.
Baadhi ya wabunge wanasema wezi waondoke...
Sendeka: Naomba tukae na tujenge hoja, (Kelele zinaendelea)
SPIKA ANAAHIRISHA KIKAO CHA BUNGE MPAKA WASHAURIANE TENA(Spika aahirisha kikao cha Bunge ghafla baada ya kutokea sintofahamu baada ya Wapinzani kudai Waziri Muhongo analindwa )

Read More

Kafulila: Nilikuelewa vizuri sana ulipo tofautiana na Mtoto wa Mgimwa.

Kwanza tuhuma alizozitoa J.J.Mnyika zilikuwa na mashiko sana, kwamba kifo cha Mgimwa kina utata na kinatakiwa kichunguzwe na serikali. Kwanza ilianzia kwa Zitto Kabwe kusema wazi kuwa mama yake aachwe apumzike, Zito nilimwelewa, baada ya hapo mtoto wa Mgimwa naye ataomba Baba yake aachwe apumzike na asihusishwe na sakata la Tegeta Escrow Account kwa namna yoyote ile.

David Kafulila kwa nini nasema nilimwelewa vizuri: Alileta hoja kuwa Mgimwa alikuwa kiongozi wa Jamhuri ya Muungano wa Tanzania tena katika ngazi ya juu kabisa. Kwa hiyo hoja ya Uchunguzi wa kifo chake ni wazi kabisa kama alivyonena Kafulila.

Mtoto wa Mgimwa yeye anamtetea Baba yake, lakini Taifa linataka kuchunguza kifo cha Kiongozi na si Baba wa Mtu fulani. Ni kama Rais wa nchi auwawe afu mtoto wake aseme sitaki Uchunguzi wa Baba yangu kwani hata mkifanya hawezi kurudi!!!!. Kiongozi mkubwa wa nchi si Mali ya familia jamani, akiwa nyumbani kwake ndiyo Baba yenu na akiwa nje atabaki kuwa kiongozi wa Taifa, na hata akifia nyumbani kama kifo ni cha utata lazima serikali ifanye Uchunguzi tu.

Read More

TAZAMA TYGA ALIVYOSHEREKEA THANKSGIVING DAY JANA

Ni kama miezi minne imepita tangu zilipotokea tetesi za kuwa Tyga anatoka na Kylie Jenner aliye na miaka 16,mdogo wake Kim Kardashian West.Tyga alimualika Kylie katika sherehe ya Thanksgiving Day ambapo Kylie hakuwa na wasiwasi wowote alipoonekana akipiga story na Chris Brown na marafiki wengine.
Tyga alionekana na mtoto wake Cairo mwenye miaka miwili,bila ya mama yake Black Chyna.Siku mbili kabla walionekana pamoja wakicheka na kufurahi katika event ya  Los Angeles Mission. 

Read More

WIZ KHALIFA NAYE AJARIBU KUBREAK INTERNET,,LOL!!

Rapper Wiz Khalifa aliwashangaza mashabiki wake pale alipopost picha akaijaribu naye eti kubreak internet kama Kim Kardashian alivyofanya wiki kadhaa zilizopita.Picha hiyo iliyomwonesha akiwa uchi bafuni na kuiweka kwenye Instagram.Alionekana akiwa anajimwagia maji kutoka kwenye chupa kutumia mkono mmoja huku mwingine ukiwa umeshikilia sehemu zake za siri.Aliweka caption " No shower til 4pm."
Story by Samchris Swai

Read More

Tibaijuka "Nilipokea pesa za ESCROW"

Mjadala kuhusu kashfa ya uchotaji wa
mamilioni ya fedha katika akaunti ya ESCROW
ya Benki Kuu ya Tanzania umezidi kuunguruma
nchini Tanzania kufuatia taarifa ya Kamati ya
Kudumu ya Bunge ya Hesabu za Serikali, PAC,
na ripoti ya serikali kuhusu kashafa hiyo.
Mambo yaliyojitokeza katika ripoti ya PAC ni
kutaja majina ya viongozi na maafisa
wandamizi wa serikali walionufaika na magao
huo.

Miongoni mwao ni waziri wa Ardhi, Nyumba na
Maendeleo ya Makazi, Profesa Anna Tibaijuka
ambaye alizungumza na mwandishi wetu mjini
Dodoma, Ben Mwang'onda ambaye alianza kwa
kumuuliza kama kutajwa kwa jina lake
alitendewa haki

Read More

LIVE:-Yanayojiri Bungeni Dodoma: Leo Ijumaa, Tarehe 28 Novemba, 2014

 

Habari wakuu,

Leo tunamaliza ngwe yetu ya mwisho bungeni, baada ya wasilisho la ripoti ya PAC, majibu ya serikali na mjadala wa wabunge wa jana, moja kwa moja kutoka Dodoma tuwe pamoja kuimaliza ngwe yetu. TANESCO wameshatoa tangazo rasmi la matatizo ya umeme hivyo chaji zetu ziwe vizuri nafasi ya kupata umeme inapopatikana.
=============

SAA 3:00 ASUBUHI. 

Spika ana Makinda ndiye aliekalia kiti leo na Mwanri anajibu maswali yanayohusu wizara ya afya.

MangungoNyongeza: Eneo la Mlandizi ni eneo la barabara kuu, nini ahadi serikali kuharakisha upatikanaji wa kituo ili kuwapelekea wananchi huduma karibu? Lipo tatizo la wahudumu wa afya na madaktari japo majengo yapo, nini jitihada ya serikali?

Mwanri: Nakubaliana eneo la barabarani ajali nyingi, tutajitahidi kukamilisha haraka na kuona inafanyiwa kazi. Kuna vibali vimetoka kwa wahudumu wa afya pia wizara pia inapeleka watumishi moja kwa moja.

Tuliwapa nafasi cha watumishi 8,000 wizara ya afya pia tumewapa kibali cha watumishi 1,000 na bado hakijamaliza.

Suzan Lymo: Maslahi ya walimu lazima yaboreshe, serikali inafahamu tatizo
Mwanri: Nakubaliana lazima kuboresha maslahi ya walimu, tuna upungufu wa walimu na nyumba za walimu. Mkakati wa serikali na pamoja na kudahili walimu na maabara, nyumba za walimu na kuimarisha mfumo wa kuwahudumia walimu.

3:25 ASUBUHI
Suzan Lymo: Kuna tatizo la upangaji walimu kwa shule za pembezoni, pia watendaji wanakaimisha walimu majukumu badala ya kukaa kwenye vituo vyao vya shule
Mwanri: Kwanza kweli kuna tatizo, lakini tatizo kwa walimu wa sanaa limpembukua sana, tutafanya upangaji(re-allocation). Mwalimu kazi yake ni kufundisha hivyo kuwapa kazi za watendaji haikubaliki.

Leizer: Ni lini serikali itachukua mkakati kwa nyumba za walimu kama walivyofanya maabara!
Mwanri: Jitihada za maabara tunazipongeza halmashauri, kuna halmashauri tumewapelekea milioni 500 kila moja ambazo zipo katika mazingira magumu.


SAA 3:45 ASUBUHI.





  Maswali sasa ni kwa Wizara ya Nishati na Madini, ambapo maswali yanajibiwa na Naibu Waziri wa wizara hiyo, Mhe Stephen Masele.

Mhe Mbilinyi: Tunazaungumzia sana mafanikio ya kusambaza umeme, kuna umuhimu gani wa kuendelea kusambaza umeme wakati huwa unakatwa kwenye nyakati maalum. Mfano; Jana kwenye mjadala wa umeme?

Jibu: Tutofautishe kati ya kuwapatia umeme wananchi na kupatikana umeme wakati wote. Jana kulikuwa na hitilafu ndogo tu, ila Leo mbona umeme upo.

Komba: Katika Maeneo ya Mbamba bay, kwanini umeme mpaka sasa haujafika kama ilivyoahidiwa?

Jibu: Kuna Matatizo ya nguzo, kutokana na demand kuwa kubwa sana wakandarasi wameagiza nguzo za kutosha ili kuhakikisha miradi yote inakamilika.



SAA 4:00 ASUBUHI.

Maswali kwa wizara hii bado yanaendelea....

============================== =========

Sasa ni zamu ya maswali kwa Wizara ya Mambo ya Ndani ya nchi.

Swali: Ni lini serikali itaboresha magereza kwa kuwa yapo kwenye hali mbaya kwa uchakavu, pamoja na miundombinu yake mibovu?

Jibu (Naibu waziri) : Serikali kupitia wizara yangu, ipo kwenye mikakati ya kutatua changamoto hiyo. 


SAA 4:05 ASUBUHI

Swali: Hivi karibuni, nchi jirani ya Kenya tukio la westgate lilitishia usalama wa nchi na raia wake, Je serikali imejipanga vipi kuzuia tukio kama lile lisiikumbe Tanzania?

Jibu: Tukio la Westgate la Kenya, lilikuwa ni tukio la kupangwa kwa masuala ya ugaidi. Serikali ya Tanzania kupitia jeshi la polisi, linajitahidi kwa makusudi kukusanya taarifa za kiintelijensia na kuimarisha ulinzi. 

SAA 4:20

 
==================

Maswali kwa Wizara ya Sayansi na Teknolojia

Swali: Ni kiasi gani makampuni ya simu za mikononi zimelipa Kodi kwa Mwaka uliopita?

Jibu: Makampuni ya simu hulipa kodi kwa utaratibu uliowekwa. Aina za kodi ni pamoja na VAT, Service, Corporate TAX na nyinginezo.

Swali Nyongeza: Hivi karibuni serikali imeweka mtambo wa kudhibiti simu zinazoingia na kutoka nchini. Je, imeongeza vipi kodi (pato)?

Jibu: Ni kweli serikali imeweka mtambo wa mawasiliano pale TCRA, Mtambo huo una kazi zake mbali mbali. Lakini kwa sasa serikali imefikiria namna ya kupata solution ya kuangalia namna gani itakagua mobile money transfer ili kuweza kutoza kodi.

Swali nyongeza (Zungu): Mheshimiwa waziri hujatoa majibu ya kitaalamu, kwani mtambo huo bado kabisa haujaanza kufanya kazi kama inavyotakiwa kufanya. Sasa nauliza, ni lini software hii ya kutoza wafanya biashara hasa wa mitandao ya simu italetwa na kuanza kufanya kazi ili mwananchi ajue kodi yake inaenda serikalini moja kwa moja?

Jibu: Kwa sasa mtambo unafanya kazi ya kukagua simu zinazoingia na kutoka, za kihalifu pamoja na kukagua mawasiliano kwa ujumla. ILa Tunaamini mpaka kufikia mwisho wa mwaka huu kazi hiyo itakuwa imekamilika.

Read More

ASKOFU KILAINI AKIRI KUPOKEA MILIONI 80.5.

 
Askofu msaidizi wa jimbo la Bukoba Methodius Kilaini amekiri kupokea milioni 80.5 kutoka kwa James Rugemalira na akisema hii si mara yake ya kwanza kupokea fedha toka kwa mfanyabiashara huyo kwakuwa mara nyingi huwa anachangia kwa uwazi miradi ya jamiii. Na michango amesema michango inayopelekwa kwake haina siri hivyo washikwe wezi halisi sio yeye

Read More

Zitto kufanya majumuisho ya kamati ya PAC leo hii jioni na kujibu hoja inayomkabili.

 

Hiki ndicho alichoandika kupitia ukurasa wake wa facebook
 
Leo jioni kuanzia saa Kumi na Moja nitafanya majumuisho ya hoja ya Kamati ya PAC kuhusu akaunti ya Escrow na uhalali wa Kampuni ya PAP kumiliki IPTL. PAC itajibu hoja za Serikali na Mimi kama Mbunge Binafsi nitajibu hoja dhidi yangu.

Read More

BantuTz MAGAZINE-Soma kilichoandikwa katika Magazeti ya leo Novemba 28.

BantuTz MAGAZETI:Ni miongoni mwa huduma bora kabisa tunazozitoa ili wewe mdau wa Bantu usipitwe na habari,stori au taarifa yoyote ile.Tunakuletea kila tunachokipata kwa wakati na muda muafaka.Soma kilichoandikwa katika kurasa za mbele na nyuma magazeti yote ya leo.

;

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

.

 

Endelea kufurahia huduma za BantuTz.com huku ukiusubiria kwa hamu Mtandao wa kijamii mkubwa na wa kisasa zaidi uitwao Bantuz hapo mwakani.

Read More