AC Milan "Hatujapokea ofa ya Arsenal kumnunua Balotelli"

 

Bosi wa AC Milan Adriano Galliani amekanusha habari kua wamepokea ofa kutoka Arsenal kwa ajili ya kumnunua mchezaji, Mario Balotelli mwenye umri wa miaka 23.

Jana kulizuka ripoti kuwa Arsenal imefikia makubaliano na AC Milan ya uhamisho wa pauni milioni 15.8 kwa ajili ya Balotelli.

Lakini Galliani ameponda habari hizo na kusisitiza hawana mawasiliano yeyote na Arsenal juu ya mchezaji huyo.

Hivi sasa Balotelli yuko mapumzikoni huko New York na atarejea kujiunga na wachezaji wenzake wa AC Milan mapema wiki ijayo.