Mashabiki wa Ghana wazamia Brazil

 

 

Zaidi ya mashabiki mia mbili wa soka kutoka Ghana walioingia Brazil kwenda kutazama Kombe la Dunia wameomba hifadhi ya ukimbizi nchini humo.

    Polisi wa Brazil katika mji wa Caxias do Sul wamesema mashabiki hao wamewaambia kuwa wanakimbia mizozo baina ya makundi ya Kiislam nchini mwao. 

   Wizara ya sheria bado haijafikia uamuzi wowote kuhusu maombi hayo ya ukimbizi - kuyakubali au la. 

Baadhi yao inadaiwa wanaishi katika kituo kimoja cha Kanisa Katoliki kinachotoa misaada kwa wahamiaji. 

   Ghana ilimaliza katika nafasi ya mwisho katika kundi lao, baada ya kupoteza mchezo dhidi ya Marekani na Ureno na kutoka sare na Ujerumani.