Winga wa Argentina Angel Di Maria ameiambia
Real Madrid kwamba anataka kuondoka Klabuni
hapo.
Di Maria amekuwa akihusishwa na Uhamisho wa
kwenda Manchester United huku ikiripotiwa
kuwa Meneja Louis van Gaal ana nia kubwa
kumleta Mchezaji huyo mwenye Miaka 26 Old
Trafford.
Kocha Mkuu wa Real Madrid Carlo Ancelotti
amethibitisha kwamba Mchezaji huyo ameikataa
Ofa mpya ya Mkataba mpya.
Ancelotti ameeleza: “Di Maria ameomba aondoke
wakati huu na amekataa Ofa mpya ya Klabu.
Mchezaji mwenyewe atafute jawabu lake. Ikiwa
mwisho wa Dirisha la Uhamisho bado yuko hapa,
atafanya kazi na sisi bila tatizo!”
Di Maria, ambae aling’ara huko Brazil na Nchi
yake Argentina lakini aliikosa Fainali ya Kombe la
Dunia ambayo Argentina ilifungwa 1-0 na
Germany baada kuumia, alihamia Real kutoka
Benfica kwa Pauni Milioni 20 Mwaka 2010.
Msimu uliopita alitoa mchango mkubwa wakati
Real ilipotwaa Ubingwa wa Ulaya kwa mara ya 10
lakini Msimu huu baada ya Real kuwanunua
James Rodriguez na Toni Kroos ipo hatari yeye
kukosa namba.
Hivi Juzi, aliekuwa Beki wa Sporting Lisbon
Marcos Rojo ambae sasa yupo rasmi Man United,
alitoa fununu kubwa kwamba yeye na Mchezaji
mwenzake wa Argentina Angel Di Maria wako
njiani kuhamia Manchester United.
Fununu hiyo ni kile kitendo cha Rojo kuipost
Picha yake na Di Maria iliyoweikwa kwenye
Mtandao wa Instagram wakikumbatiana mbele ya
Nembo ya Man United ikiwa ni ishara ya wazi
kuwa wawili hao wako njiani kutua Old Trafford.
Mbali ya Man United, hata Paris Saint-Germain
nayo imehusishwa na kumtaka Staa huyo lakini
inabanwa na adhabu ya UEFA ya Uhamisho wa
Wachezaji kwa kukiuka FFP [Financial Fair Play]
ambayo hutaka Klabu ijiendeshe kwa mapato
yake yenyewe.
Wakati huo huo, Ancelotti alidokeza kuwa Kiungo
wa Germany Sami Khedira nae amegomea
Mkataba mpya lakini hakuomba kuondoka.
Ancelotti amesema: “Hali ya Khedira ni tofauti
kwa sababu amebakiza Mwaka mmoja kwenye
Mkataba wake na amekataa Mkataba mpya. Yeye
ni tofauti kwa sababu hakuomba kuondoka!”
Hivi sasa zipo ripoti kuwa Arsenal inamtaka
Khedira ingawa hili halijawekwa wazi.
Endelea kutembelea www.bantutz.com upate taarifa zote zinazohusiana na usajili.
0 comments:
Post a Comment