Liverpool na AC Milan zimekubaliana Ada ya
Uhamisho ya Pauni Milioni 16 ili Mario Balotelli
ahamie Anfield.
Meneja wa Liverpool Brendan Rodgers alikuwa
akihaha kutaka kuziba pengo la Straika wake Luis
Suarez ambae amehamia Barcelona na Balotelli
anaonekana ndie anafaa kuziba pengo hilo.
Balotelli alihamia AC Milan Mwaka Jana kutoka
Manchester City kwa Dau la Pauni Milioni 19 na
kuifungia AC Milan magoli 30 katika Mechi 54.
Ingawa Uhamisho huu haujakamilika Balotelli
tayari ameshaaga huko Italy na huenda Jumatatu
ijayo akaikabili Klabu yake ya zamani Man City
huko Etihad wakati Liverpool itakapotua hapo
kucheza Mechi ya Ligi Kuu England.
Tovuti ya AC Milan ilithibitisha Mchezaji huyo
matata ameaga Wachezaji wenzake wa Klabu hiyo
na pia Wafanyakazi wake.
Alipokuwa na Man City, Balotelli aling’ara sana
na kuwasaidia kutwaa Ubingwa lakini mara nyingi
alikuwa akikumbwa na vituko ikiwa ni pamoja na
kugombana na aliekuwa Meneja wa Klabu hiyo,
Roberto Mancini, na kufikia hatua ya kuvutana
Jezi wakati wa Mazoezi.
Hata hivyo, kwenye Msimu wake wa Pili na Man
City, Staa huyo wa Italy alififia sana na kufunga
Bao 3 tu katika Mechi 20.
Kabla ya Liverpool kuingia kwenye dira yake,
Balotelli alihusishwa na kuhamia Arsenal lakini
baada ya Klabu hiyo kumnasa Alexis Sanchez
kutoka Barcelona, Arsene Wenger alifuta
matumaini hayo.
Mbali ya Balotelli, Liverpool, kwenye Kipindi hiki
cha Uhamisho, imenunua Mastraika wawili
ambao ni Rickie Lambert kutoka Southampton na
Mchezaji wa Belgium anaechezea Klabu ya
Ufaransa Lille, Divock Origi, ambae, hata hivyo,
amebakishwa huko huko Lille kwa Mkopo.
Endelea kutembelea www.bantutz.com uweze kupata taarifa mbalimbali za muchezo hususan usajili barani Ulaya.
0 comments:
Post a Comment