Van Gaal:Wachezaji wanne hatihati kuikosa Arsenal.

LOUIS VAN GAAL amedokeza kuwa
Wachezaji wake Majeruhi Wanne
watashindwa kuwa fiti kuikabili Arsenal .

Majeruhi hao Wanne ni Radamel Falcao,
Jonny Evans , Phil Jones na Rafael ambao
walidhaniwa watapona mapema kuivaa
Arsenal huko Emirates hapo Novemba 22
kwenye Mechi ya Ligi Kuu England .
Hata hivyo , Van Gaal amekiri kuwa ingawa
hawataweza kuanza Mechi na Arsenal lakini
upo uwezekano wa Falcao na Rafael
kucheza sehemu ya Mechi hiyo .

Amesema " Hapana , sidhani kama wao
wataanza kwa sababu baadhi yao
wamekuwa nje Wiki tano, sita , saba hivi .
Wanaweza kukaa Benchi na kucheza Dakika
20 lakini siwezi kuweka Wachezaji wengi
ambao hawako Asilimia 100 Benchi!”

Kuelekea kwenye Mechi na Arsenal
kulikuwa na dhana kubwa Falcao atakuwa
fiti kuivaa Arsenal hasa baada ya
kujitangaza mwenyewe mtandaoni kwamba
yuko fiti na yupo Mazoezini .
 

Majeruhi wa Man United ambao wataikosa
Mechi hiyo na Arsenal ni Phil Jones , Jonny
Evans na Marcos Rojo lakini Chris Smalling ,
baada ya kumaliza Kifungo chake cha
Mechi moja, huenda akaanza kama
Beki wa kati kushirikiana na Chipukizi Paddy
McNair kwenye sehemu ya ulinzi.