BARCA YAPIGWA NYUMBANI, MAN UNITED YAANGUKIA PUA,ARSENAL YAPETA

 
Timu ya Man United imepoteza mchezo wake wa ligi kuu ya England baada ya kuchapwa mabao 2-1 na Swansea City, Liberty Stadium.
Man united ndiyo walioanza kufunga kupitia kwa Ander Herrera dakika ya 28 lakini Swansea wakasawazisha dakika ya 30 kupitia kwa Sung-Yueng Ki na kupata bao la ushindi dakika ya 73 kupitia kwa Jonjo Shelvey.
 

Arsenal ilinusurika dakika za lala salama na kuweza kuishinda Crystal Palace mabao 2-1 kabla ya kupanda hadi nafasi ya tatu katika jedwali la ligi ya Uingereza.

Carzola aliiweka Arsenal kifua alipofunga mkwaju wa penalti baada ya Pape Soure kumuangusha Danny Welbeck.
Mshambuliaji huyo wa Uingereza alihusika katika bao la pili la kilabu yake baada ya mkwaju wake kupanguliwa naye Giroud kufunga bao la pili.

 

Matokeo ya mechi nyingine zilizomalizika hivi punde ni haya:-
Aston Villa 1 - 2 Stoke City
Chelsea 1 - 1 Burnley
Crystal Palace 1 - 2 Arsenal
Hull City 2 - 1 Queens Park Rangers
Sunderland 0 - 0 West Bromwich Albion
Swansea City 2 - 1 Manchester United
Manchester City 5-0 Newcastle United

Sasa Man United imeshushwa hadi nafasi ya 4 ikiwa na point 47 na Arsenal imepanda hadi nafasi ya 3 ikifikisha pointi 48.

Nchini Hispania Barcelona imechapwa bao 1-0 na Malaga ikiwa nyumbani. Bao la Malaga limefungwa na Juanmi kunako dakika ya 7.
Licha ya Barca kupitia kwa nyota wake Messi, Suarez na Neymar kupigana kwa nguvu zote, lakini hadi mwisho wa mchezo
Barcelona 0 - 1 Malaga.

Nini maoni yako kuhusu michezo hii na matokeo yake? Acha comment yako hapa chini