Miranda "Sioni sababu ya Atletico kuwaogopa Chelsea"....................fuatilia hapa kauli za Miranda juu ya Chelsea.......

BEKI wa Atletico Madrid, raia wa Brazil, Miranda amesema kuwa wanamheshimu sana kocha maarufu Jose Mourinho, lakini haoni sababu ya Atletico Madrid kuiogopa Chelsea.

Atletico Madrid imekuwa tishio baada ya kuwatupa nje ya mashindano FC Barcelona hatua ya robo fainali na sasa inaongoza ligi kuu nchini Hispania, La Liga kwa pointi nne mbele ya wakatalunya.

Mafanikio ya Atletico msimu huu yamewashangaza watu wengi, lakini Miranda amesema hajui kwanini watu wanajadiliana kama Diego Simeone anaweza kumfunga Mourinho usiku wa leo katika uwanja wa Vicente Calderon.

“Baadhi ya watu wanaonekana kushangazwa na sisi kuwatoa Barcelona, nawashangaa kwasababu Atletico msimu huu imekuwa na ubora mkubwa”. Beki huyo ameliambia gazeti za The Guardian.

“Kwa heshima kubwa aliyonayo kocha mkubwa Mourinho tunatakiwa kujipanga. Tunahitaji kumfanya akose furaha muda wote wa mchezo kadri tuwezavyo”.

“Sioni sababu ya kuiogopa Chelsea. Mbona hatukumuogopa Mreno huyo alipokuwa na Real Madrid kati ya 2010 na 2013”.

“Chelsea ni timu kubwa lakini ilikuwa Barcelona. Wanahitaji kufika fainali yawezekana zaidi yetu” . Alisema Miranda.

Wakati huo huo, Miranda ameeleza kuwa mechi ya leo ni muhimu sana na watu wengi wanaelewa kuwa kuna uwezekano wa kikosi cha Simeone kupungua makali majira ya kiangazi kwasababu wachezaji wao wakubwa wanasemekana kuondoka hususani Diego Coasta  kwenda  Chelsea.

“Tunafahamu kuwa tunaweza kupoteza wachezaji msimu ujao, kwahiyo tunaona hii ni nafasi yetu ya kufanya vizuri kwa faida ya maisha yetu ya soka. Nafasi kama hii haiji mara mbili”.

“Kwasababu ya kutambua hili, tumekuwa tukicheza kila mechi kwa nguvu. Tunadaiwa sana na mashabiki wetu na kocha wetu Simeone”. Alisea Miranda.