Man City yaua,yaweka hai matumaini ya ubingwa....soma hapa.....

 

Manchester City wameweka hai matumaini yao ya kuwa Mabingwa baada ya kuifunga West Bromwich Albion magoli 3-1 katika Mechi pekee ya Ligi Kuu England iliyochezwa Uwanja wa Etihad Jumatatu Usiku.

Man City walitangulia kufunga kwanza  Dakika ya Pili kupitia kwa Zabaleta baada ya Kipa Ben Foster kutema Shuti la Aguero na kumrudia Zabaleta aliefunga kwa Kichwa na kuongeza goli la Pili kwa Shuti safi la Aguero.

WBA walifunga Bao lao moja safi kabisa na la ufundi mkubwa kutoka kwa Mchezaji wa Scotland, Dorrans, 

 Lakini Mpira wa Kona ulioparazwa na Kichwa cha Nahodha wa City, Kompany, ulimfikia Demichelis alieweka kambani la Tatu kwa City.

Hadi Mapumziko Bao zilikuwa Man City 3 WBA 1.

Kwa matokeo haya, City imebaki Nafasi ya 3 ikiwa Pointi 1 nyuma ya Chelsea na Pointi 6 nyuma ya Vinara Liverpool huku wakiwa na Mechi 1 mkononi.