Tetesi za Usajili wa Wachezaji barani Ulaya na BantuTz SPORTS.

BantuTz SPORTS leo hii jicho lake liko katika mitandao muda wote kuhakikisha unapata kila taarifa ya usajili wa wachezaji itakayoibuka.
Ungana nasi hadi dirisha litakapofungwa hapo saa 8 usiku kwa majira ya Afrika Mashariki.

Radamel Falcao amekubali kujiunga Manchester United kwa mkopo wa muda mrefu na anatarajiwa kufanya vipimo jioni hii huku ikisemekana kwa ili kukwepa sheria ya Matumizi[Financial Fair Play] wamemchukua kwa mkopo hivi sasa lakini atasajiliwa jumla mwisho wa msimu.

Beki kusiki wa Newcastle United Mapou Yanga-Mbiwa aliyejiunga mwaka 2013 na timu hiyo anawindwa na AS Roma huku kuna kila dalili za kujiunga na miamba hiyo ya Italia

Kiungo wa Tottenham Lewis Holtby anatarajiwa kufanyiwa vipimo vya afya katika klabu ya Hamburg SV ya Ujeruman baada ya kushindwa kupata nafasi katika kikosi cha Mauricio
Pochettino,ikumbukwe Holtby alijiunga Spurs misimu miwili iliyopita akitokea Schalke 04. (Skysport)

Rais wa klabu ya PSG ya Ufaransa Nasser Al-
Khelaifi amekiri kuwekwa sokoni kwa kiungo Adrien Rabiot,19 huku akihusishwa kujiunga na Arsenal au AS Roma na amekiri mazungumzo yanaendelea.

Klabu ya Manchester City imewaweka sokoni Micah Richards anayewindwa na Fiorentina pamoja na Alvaro Negredo huku Matija Nastasic hatoruhusiwa kuondoka katika dirisha hili la usajili.

Arsenal na Manchester United wanapigana vikumbo kuwania saini ya kiungo mkabaji wa Sporting Lisbon William Carvalho huku imeripotiwa kwamba viongozi wa United walionekana huko Lisbon kushughulikia Usajili wa kiungo huyo.

Mshambuliaji wa Swansea City,Wilfred Bonny anaweza kujiunga na Arsenal au Liverpool baada ya kuomba kuihama klabu hiyo.

Hauna haja ya kuwa na wasiwasi wa kutopata taarifa za Usajili kwa wakati,www.bantutz.com kupitia kitengo chake maalum cha masuala ya michezo,BantuTz SPORTS itakuwa inakuletea kila taarifa itakayokuwa inahusiana na usajili barani Ulaya.

Imeandaliwa na Katemi Methsela
Kwa msaada wa Mitandao mbalimbali.