Man Utd Wakubaliana dili na Sporting Lisbon Kusajili William Crvalho

 

  Manchester United imekubaliani Dili na Sporting Lisbon kumsaini Kiungo William Carvalho ambae pia huchezea Timu ya Taifa ya Portugal.

Habari zilizovuja huko England zinasema Mchezaji huyo Mzaliwa wa Luanda, Angola na ambae alihamia Ureno akiwa bado mchanga, atahama kutoka Sporting Lisbon ya Ureno kwenda Man United kwa Dau la Pauni Milioni 35 na tayari Uhamisho ushatiwa Saini zote kwa Mkataba wa Miaka Mitano lakini utatangazwa rasmi Dirisha la Uhamisho likifunguliwa.

William Carvalho, mwenye Miaka 22, ni Kiungo mahiri ambae amekuwa akifukuziwa na Klabu za Real Madrid, Inter Milan, Liverpool na Monaco lakini Man United wamewazidi kete kwa sababu wana uhusiano mzuri na Wakala wake, Jorge Mendes, ambae pia ni Wakala wa Cristiano Ronaldo.

Habari hizi pia zimedokeza Wachezaji wawili wa Southampton, Adam Lallana na Luke Shaw, watafuata nyayo huku Kiungo wa Bayern Munich, Toni Kroos, akiripotiwa kupewa Ofa ya Mshahara wa Pauni 260,000 ikiwa atajiunga Man United.

 Habari hizi za Toni Kroos zimeanza kuaminika hasa baada ya Jana Bayern Munich kumsaini mbadala wa Kroos, Kiungo kutoka Eintracht Frankfurt, Sebastian Rode, kwa Mkataba wa Miaka minne.

Kroos, ambae Mkataba wake na Bayern unamalizika Mwakani, amegoma kusaini Mkataba mpya na Bayern.

Endelea kutembelea katemimethsela.blogspot.com kupata habari zote za michezo hususan tetesi za usajili barani ulaya na katika kipindi cha majira ya joto barani ulaya ambacho timu zinaenda kuimarisha vikosi vyao