Polisi nchini Ujerumani wamemuomba radhi mtu mwenye mkono mmoja.

 

 

Polisi nchini Ujerumani wamemuomba radhi mtu mwenye mkono mmoja aliyepigwa faini kwa kuendesha baiskeli yenye breki moja badala ya mbili kama inavyotakiwa kisheria. Miezi mitatu baada ya Bodgan Ionescu kupigwa faini ya Euro 25, polisi wa mjini Cologne wamerejesha fedha hizo wakisema walivuka mipaka. Bwana Ionescu ameyaambia magazeti kuwa amehisi kubaguliwa kutokana na ulemavu wake lakini ameshukuru suala hili sasa limekwisha.