Jirani wa Mugabe aingia matatani.

 

 

Jirani wa rais Robert Mugabe wa Zimbabwe amepigwa faini kwa kuachia mbwa wake kuwinda katika eneo la rais huyo, limeripoti gazeti la serikali.
Mahakama ilimhukumu jirani huyo, Michael Pazarangu kulipa dola 50 au kwenda jela kwa siku 30, limesema gazeti la Herald.
Ametuhumiwa kwa kuwaachilia "mbwa wake wakali kuranda randa huru" katika nyumba binafsi ya rais mjini Harare. Mahakama iliambiwa kuwa mbwa wa bwana Pazarangu waliua swala ndani ya eneo la Rais Mugabe mwaka jana. Mbwa hao inadhaniwa waliingia katika eneo la Mugabe kupitia tundu kwenye uzio unaotenganisha nyumba hizo mbili katika eneo la Borrowdale.