Moto wateketeza karatasi za kura Malawi.

 

 Zaidi ya karatasi elfu moja za kura za uchaguzi uliokuwa na utata wa Malawi, zimeteketezwa na moto katika mazingira ya kutatanisha. Chama cha upinzani cha MCP kilitaka kura hizo zihesabiwe upya za kiti cha ubunge katika jimbo moja la mjini Lilongwe. 

 

Wananchi wengi wa Malawi wanashuku uchaguzi wa mwezi Mei, ambao Peter Mutharika alimshinda Joyce Banda, ulivurugwa. Waandishi wa habari wanasema iwapo kura hizo zingehesabiwa na kubadili matokeo rasmi, huenda matokeo ya uchaguzi wote yangetiliwa mashaka.