A.Y:NITAOA BAADAE SANA NA KIMYA KIMYA

Msanii na mmiliki wa kampuni ya Unity Entertainment, Ambwene Yesaya 'AY' ameweka wazi nia yake ya kufunga ndoa kimya kimya wakati utakapowadia.



 

AY alimweleza mtangazaji Salama Jabir wa kipindi cha 'Mkasi' kinachorushwa na kituo cha televisheni cha EATV kwamba kuoa au kuolewa si jambo la kukurupuka, linahitaji utayari hivyo atakapokuwa teyari atafanya hivyo kama vitabu vya Mungu vinavyoeleza japo alidai kuwa watu wanaweza kujua kama ameoa siku moja baada ya harusi yake.

"Naamini kila jambo lina wakati na wakati unapowadia litatimia tu. Kuoa si jambo la kuiga kwa kuwa fulani ameoa leo na mimi nikaoe kesho au keshokutwa, kuoa ni mpango na mpango utakapokamilika nitaoa ingawa watu wengi mtajua siku moja baada (mimi) ya kuoa," alisema.

Kuhusu East Coast Team, AY alisema: "ECT halikuwa kundi la muziki kama ambavyo watu walikuwa wakielewa bali tulikuwa tukiishi kama wanafamilia hivyo ilipotokea mmoja wetu anafanya wimbo tulikuwa tukishiriki.

Mfano wimbo kama 'Komaa Nao', 'Ama Zangu Ama Zao', ni nyimbo za GK lakini sisi tulikuwa tukishiriki hivyo hazikuwa nyimbo za kundi.
Lakini pia baada ya mimi kutangaza nimeondoka East Coast watu walikuwa wakidhani kwamba huenda tukikutana na GK hata tusingeweza kusalimiana, haikuwa hivyo kwakuwa sisi tulikuwa tunaishi kama familia hivyo tuliendelea kuwasiliana na kutembeleana kama kawaida."