Chelsea yafungwa darajani,Tottenham yaua.......fuatilia hapa uchambuzi wa mechi zote za leo EPL................

Chelsea 1-2 Sunderland Fc.
Rekodi nzuri ya Jose Mourinho ya kutofungwa katika Mechi 78 za Ligi Kuu England Uwanjani Stamford Bridge Leo imevunjwa baada ya kuchapwa Bao 2-1 na Timu ya mkiani Sunderland na kuyaacha matumaini yao kutwaa Ubingwa mashakani huku Vinara Liverpool wakichekelea.

Sunderland bado wako mkiani lakini Jumapili, Liverpool wakishinda watakuwa Pointi 5 mbele juu kileleni na kubakiwa na Mechi 3 mojawapo ikiwa Wikiendi ijayo Uwanjani Anfield na Chelsea na hapo wanaweza kabisa kutwaa Ubingwa kutegemea na Mechi nyingine kabla ya hiyo.

Leo hii, Chelsea walitangulia kufunga kwa goli la Samuel Eto’o na Sunderland kusawazisha kwa goli hilo kupitia kwa Connor Wickham.

Goli la ushindi kwa Sunderland lilifungwa kwa Penati ambayo Msaidizi wa Refa ndie alimuashiria Refa Mike Dean ni Penati baada ya beki wa kushoto wa Chelsea Azpilicueta kuteleza na Mpira kunaswa na Altidore ambae aliingia ndani ya Boksi na Azpilicueta kujaribu kuuzuia Mpira lakini Altidore akajiangusha na Penati kutolewa.

Penati hiyo ilifungwa na Borini.

Tottenham 3 Fulham 1

-White Hart Lane

Bao za Paulinho, Kane na Kaboul zimewapa Tottenham ushindi wa Bao 3-1 walipocheza na Fulham ambao kipigo hiki kimezidisha wasiwasi wao wa kushushwa Daraja.

Bao pekee la Fulham lilifungwa na Steve Sidwell ambae pia alikosa Penati iliyookolewa na Kipa Hugo Lloris.

Cardiff City 1 Stoke City 1

-Cardiff City Stadium

Golio za Penati zimeifanya Mechi hii imalizike kwa Sare ya goli 1-1

Marko Arnautovic aliifungia Stoke kwa Penati iliyotolewa kwa Faulo ya Kim Bo-Kyung kwa Peter Odemwingie na Peter Whittingham kusawazisha kwa Penati kwa faulo iliyofanywa  na Steven Nzonzi kwa Fraizer Campbell.

Newcastle United 1 Swansea City 2

-Saint James’ Park

Penati ya Dakika za Majeruhi ya Wilfried Bony imeipa ushindi wa magoli 2-1 Swansea City walipocheza Ugenini na Newcastle na kuwapa matumaini makubwa ya kunusurika kushushwa Daraja.

Newcastle ndio walitangulia kwa goli la Shola Ameobi lakini Wilfried Bony alisawazisha.

Wakati Mechi ikielekea kuwa Sare, katika Dakika za Majeruhi Marvin Emnes aliangushwa na Cheick Tiote ndani ya Boksi na Bony kufunga goli lake la Pili na la ushindi.

Refa Chris Foy ilibidi atolewe katika Dakika ya Kwanza baada ya Shuti la Jonjo Shelvey kumbabatiza Usoni na nafasi yake kuchukuliwa na Refa wa Akiba, Anthony Taylor.

 West Ham United 0 Crystal Palace 1

-Upton Park

Crystal Palace wamejihakikishia kubaki Ligi Kuu Engkand baada ya kuichapa West Ham United, waliokuwa kwao Upton Park, goli 1-0 kwa Penati ya Mile Jedinak ya Dakika ya 59 iliyotolewa kufuatia Pablo Armero kumwangusha Cameron Jerome.

 

Endelea kutembelea katemimethsela.blogspot.com kupata habari za uhakika kwa muda muafaka......