Tetesi za usajili barani Ulaya.

Baada ya kumnasa kiungo kutoka klabu ya Athletico Bilbao,Manchester United wamemnasa kinda wa Kiingereza kutoka klabu ya Southmpton kwa ada ya uhamisho ya Paundi million 34.Luke Shaw amefaulu vipimo vya afya na yuko Carrington hivi sasa kukamilisha taratibu nyingine.

Beki wa kushoto wa Everton ,Seamus Coleman aliyeng'ara sana msimu uliopita amekataa kujiunga na klabu ya Arsenal inayomuwinda beki huyo kwenda kuziba nafasi iliyoachwa wazi na mlinzi Bacary Sagna aliyejiunga na Mabingwa watetezi Manchester City.Coleman amekubali kuongeza mkataba wa kuendelea kukipiga katika klabu hiyo ya Everton ambapo taarifa kamili itatolewa ndani ya msaa 24 yajayo kuanzia sasa.




Barcelona imemsajili kipa mwingine baada ya kumnasa  Marc-Andre ter Stegen.Golikipa huyo anaitwa Claudio Bravo  alikuwa anakipiga katika klabu ya Real Sociedad,na anadakia timu ya taifa ya Chile na yuko na timu hiyo katika michuano ya kombe la dunia huko Brazil hivi sasa.Claudio Bravo mwenye miaka 31 amesaini mkataba wa miaka 4.Anakuwa mchezaji wa tatu kusajiliwa na Barcelona baada ya golikipa mwingine Marc-Andre ter Stegen na kiungo kutoka Sevilla na timu ya taifa ya Croatia Ivan Rakitic.


Loic Remy anapewa kipaumbele zaidi kama mchezaji anayehitajiwa zaidi na Arsene Wenger na Arsenal wako tayari kumsajili kwa dau la Paundi million 8.Akiwa na timu ya Ufaransa katika michuano ya kombe la dunia chini Brazil Loic Remy tayari ameshaonyesha dalili za kutua klabu hiyo baada ya kutaka kushiriki katika michuano ya Ligi ya mabingwa barani Ulaya.Loic alikuwa kwa mkopo Newcastle United akitokea QPR huku kocha wa Newcastle United Alan Padrew ameonyesha nia ya kumbakisha mchezaji huyo.

Imeandaliwa na .....
                                Katemi Methsela

Tumehamia katika site hii mpya na bado tuko katika maboresho,hii ni katika hatua za awali kabisa kuiboresha site yetu na utoaji wa habari na burudani.Vitu vingi vitaonekana katika site hii mpya hivi karibuni.Endelea kutembelea www.bantutz.com