Dondoo muhimu kuhusu kombe la dunia

Je wajua kwamba....
Mpira rasmi utakaotumika katika michuano ya Kombe la Dunia unaitwa "Brazuca." Maana yake ni "Ya Kibrazil" ikimaanisha mienendo ya kimaisha ya Brazil. Mpira huo utatengenezwa na kampuni ya Adidas, ambao ndio watengenezaji rasmi wa mipira ya Kombe la Dunia tangu mwaka 1970.
Huu ni mpira wa kwanza kabisa kupewa jina na mashabiki, baada ya kura kupigwa na mashabiki zaidi ya milioni moja nchini Brazil. Jina "Brazuca" lilipata asilimia 77.8 ya kura zote. Majina mengine yaliyopigiwa kura ni "Bossa Nova" ambao ni mtindo wa muziki na "Carnavalesca" ambayo ni Carnival.

Mpira wa Brazuca unatengenezwa na vipande sita vya aina ya mpira ujulikanao kama polyurethane ambao huufanya mpira huo kutoingia maji, na tipu lake (yaani mpira wa ndani) linatengenezwa na mpira wa latex, ili kutoa mdundo bora kuliko mipira mingine iliyowahi kutengenezwa awali.
Pia "Brazuca" unadaiwa kuwa na uwezo mzuri zaidi wa kuelea angani kuliko "Jabulani" uliotumika Afrika Kusini mwaka 2010.

 

 

Tuko katika maboresho hivi karibuni blog hii itakuwa ni site ambayo itaitwa www.bantutz.com ni katika hatua za kuboresha huduma zetu za kutoa habari,tutakuja katika muonekano mpya na bora zaidi.