Sterling hatimaye aiuza LA CLippers

Aliyekuwa mmiliki wa timu ya mpira wa vikapu LA Clippers, ambaye amezongwa na balaa za kisheria, Donald Sterling, amekubali kuiuza klabu hiyo.

Bwana Sterling ameiuza klabu hiyo kwa aliyekuwa mkuu wa kampuni ya Microsoft Steve Ballmer, kwa dola bilioni 2.
Bwana Sterling amekuwa akikabiliwa na shutuma za ubaguzi wa rangi.
 

Ametangaza pia kuwa ataondoa kesi aliyowakilisha dhidi ya shirikisho la mpira wa vikapu nchini Marekani NBA, ya kudai ridhaa ya dola bilioni moja akisema kuwa shirikisho hilo limekiuka haki zake za kikatiba.
Shirikisho hilo la NBA limemuwekea marufuku ya maisha bwana Sterling kutohudhuria mechi zozote za mchezo huo, kufuatia kanda zilizotolewa akimtusi aliyekuwa mpenzi wake kwa matamshi ya kibaguzi wa rangi.
Pia bwana Sterlig amepewa hakikisho kuwa NBA haitamfungulia mashtaka yoyote. Sasa kinachosubiriwa ni asili mia 75 kati ya wamiliki washirikishi 29 waliosalia wa klabu hiyo kuidhinisha uuzaji huo.

Tuko katika maboresho hivi karibuni blog hii itakuwa ni site ambayo itaitwa www.bantutz.com ni katika hatua za kuboresha huduma zetu za kutoa habari,tutakuja katika muonekano mpya na bora zaidi.