Nigeria:Serikali yabatilisha maamuzi ya kupiga marufuku maandamano ya "Bring Back Our Girls"

Waandamanji waliofika mahakamani kupinga marufuku ya maandamano Abuja

Serikali ya nigeria imebatilisha amri yake ya awali ya kupiga marufuku maandamano ya kutaka wasichana waliotekwa nyara Nigeria kuachiliwa.

Wasichana hao zaidi ya miambili walitekwa nyara na wapiganaji wa kiisilamu wa Boko Haram katika eneo la Chibok Kaskazini mwa Nigeria.

Wanaharakati hao walienda mahakamani lei kupinga marufuku hiyo iliyokuwa imetolewa na polisi.
Hata hivyo wanaharakati hao wapewa onyo kujizuia na ghasia wakati wa maandamano hayo.
Afisa mkuu wa polisi amesema kuwa maandamano hayo ambayo yamekuwa takifanywa karibu kila siku ni tisho kwa usalama wa nchi na kwamba kuna hofu kuwa wapiganaji wa kiisilamu huenda wakapenya na kuingia kwenye maandamano hayo.

Kampeni hii imekuwa ikiendelea tangu wasichana kutekwa nyara Nigeria

Maandamano hayo yamekuwa yakifanyika kuishinikiza serikali kuongeza kasi juhudi zake za kuwanusuru wasichana hao waliotekwa nyara na Boko Haram zaidi ya mwezi mmoja uliopita.
Kauli mbiu ya maandamano hayo ni ''Bring Back Our Girls'' yaani turejesheeni watoto wetu, na waandamanaji wanasema kuwa maandamano yao yamekuwa ya amani.
Kundi la kiisilamu la Boko Haram, limesema kuwa liko tayari kuwaachilia wasichana hao ikiwa serikali nayo itawaachilia wapiganaji wake wanaozuiliwa.

Tuko katika maboresho hivi karibuni blog hii itakuwa ni site ambayo itaitwa www.bantutz.com ni katika hatua za kuboresha huduma zetu za kutoa habari,tutakuja katika muonekano mpya na bora zaidi.