Kaka yake Paul Walker kupewa mkataba baada ya kumaliza uhusika wa Paul,afunika kwenye Fast &Furious 7

Kaka yake marehemu Paul Walker, Cody Walker ambaye alichukuliwa na waandaaji wa Fast & Furious kuigiza uhusika wa ndugu yake ili kumalizia kipande cha Fast & Furious 7 ameteka umakini wa waandaaji hao kwa kipaji alichonacho.
 

Kwa mujibu wa MailOnline, waandaaji wamevutiwa na jinsi alivyoweza kuigiza filamu hiyo kwa kuvaa uhusika wa Paul Walker aliyeikuwa anatumia jina la Brian O’Conner na hivyo wameamua kumpa mkataba binafsi pindi atakapomaliza sehemu hiyo.
“Cody, hawezi kuliziba pengo la Paul, lakini watayarishaji walifurahishwa na jinsi alivyoweza kuingia kwenye filamu hiyo na kuwasaidia kumalizia kipande cha mwisho cha kaka yake na Cody anafanana na Paul, ni mcheshi.” Kimesema chanzo hicho.
“Itakuwa ni heshima kwa Paul kwa kuwa Cody analibeba jina la Walker kwenye filamu za Fast & Furious.” Kimeongeza chanzo hicho.
Baada ya Fast & Furious 7, waandaaji wamepanga kumuonesha Brian O’ Conner akistaafu ili Cody Walker aingie kama mhusika mpya kabisa kwenye filamu hiyo.

Tuko katika maboresho hivi karibuni blog hii itakuwa ni site ambayo itaitwa www.bantutz.com ni katika hatua za kuboresha huduma zetu za kutoa habari,tutakuja katika muonekano mpya na bora zaidi.