Obama:Iraq inahitaji msaada.

Rais wa Marekani Barack Obama amesema serikali yake inatazama "njia mbalimbali" ikiwemo nguvu za kijeshi kuisaidia Iraq kupambana na wanamgambo.
Obama amesema Marekani ina nia ya kuhakikisha wapiganaji hawachukui tena udhibiti wa Iraq.
Matamshi yake hayo yamekuja baada ya miji ya Mosul na Tikrit kuchukuliwa na wapiganaji wa Ki- Sunni.
Kura ya bunge ya kumpa Waziri Mkuu Nouri al-Maliki madaraka ya dharura ilisuasua baada ya wabunge kutojitokeza.
Wabunge 128 tu kati ya 325 ndio walikuwepo.
Taarifa ambazo hazijathibitishwa siku ya Alhamisi zinasema majeshi ya Iraq yamevurumisha mashambulio ya angani dhidi ya wapiganaji katika miji ya Mosul na Tikrit.

 

Hivi sasa tunahamia katika site yetu mpya inayoitwa www.bantutz.com ni katika kuboresha huduma zetu za kutoa habari za uhakika na burudani.